Tryggur

Nafn: Tryggur

Fæðingardagur: 8.03.2001

Dánardægur: 20.06.2013

Notkun hætt: 20.06.2013

Kyn: Karlkyn

Tegund: Blanda af golden og labrador retriever

Hundaþjálfari: Auður Björnsdóttir

Ræktandi: Brynja og Viðar

Móðir: Salka

Faðir: Nonni

Eigandi: Auður Björnsdóttir

Notandi: Viðar Sigurðsson

Tryggur var fyrsti hjálparhundurinn á Íslandi sem þjálfaður var til að aðstoða barn. Hann ólst upp með Viðari og var þjálfaður til að styðja hann á göngu,sækja og fylgja honum eftir inni og úti. Hann gelti ef Viðar þurfti aðstoð og hjálpaði honum að standa upp. Einnig lærði hann að klæða úr sokkum og opna/loka hurðum og kveikja/slökkva ljós. Tryggur var ótrúlega næmur á eiganda sinn og fór alltaf mjög varlega í kringum hann en hundurinn var 40 kg og Viðar 20 kg. Tryggur stóð undir nafni og var tryggur við hlið eiganda síns þar til hann dó.

Vígi

Nafn: Vígi

Fæðingardagur: 21.08.2011

Dánardægur: 12.05.2021

Notkun hætt: 12.05.2021

Kyn: Karlkyn

Tegund: Labrador retriever

Hundaþjálfari: Auður Björnsdóttir

Ræktandi: Örn Valdimarson

Móðir: Bláskóga Katla IS13304/09

Faðir: Moli IS15228/10

Eigandi: Halldóra Inga Ingileifsdóttir

Notandi: Kristín Inga Einarsdóttir

 

Vígi var fyrsti hundurinn hér á landi sem var þjálfaður til að merkja flog. Þjálfun hans fólst í að merkja flog hjá barni, sem var 4 ára þegar noktun Víga hófst, og láta foreldra og umönnunaraðila vita af flogunum. Vígi var einnig þjálfaður til að sækja tösku með neyðarlyfjum og koma með hana til foreldra þegar flog voru yfirstandandi. Vígi vaktaði einnig notenda eftir flog og lá hjá honum. Vígi var einnig þjálfaður til að styðja notanda á göngu og upp og niður stiga. Auk þess veitti Vígi notanda sínum tilfinningalegan stuðning og svaf alltaf uppi hjá honum á nóttunni. Vígi var í fullri notkun til dauðadags.

Tinni

Nafn: Tinni

Fæðingardagur: 16.05.2003

Dánardægur: 07.03.2017

Notkun hætt: 01.03.2017

Kyn: Karlkyn

Tegund: Labrador retriever

Hundaþjálfari: Auður Björnsdóttir

Ræktandi: 

Móðir: Perla

Faðir: óþekktur labrador retriever

Eigandi: Haraldur Sigþórsson

Notandi: Haraldur Sigþórsson

Tinni var annar hundurinn á landinu sem þjálfaður var sem hjálparhundur og sá fyrsti í Reykjavík.  Tinni Fór með eiganda sínum í vinnu og ferðaðist með ferðaþjónustu fatlaðra sem þá var og hét. Hann þurfti sér undanþágu til að mega fara í ferðaþjónustubíla því ekki var leyfilegt fyrir hunda að vera á opinberum stöðum. Tinni fékk líka sérstakt leyfi til að fara í Kringluna og í verlsunarmiðstöð í hverfinu þeirra en alltaf þurfti að hafa samband við hvern og einn aðila sem stjórnaði til að fá viðeignandi leyfi. Tinni var þjálfaður til að sækja ýmislegt, s.s. síma, fjarstýringu, og hvaðeina sem datt úr seilingarfjarlægð eiganda hans eins og undir borð eða undir rúm. Tinni hjápaði líka eiganda sínum úr sokkum og dró hjólaborð sem á voru ýmsar græjur. Hann opnaði líka og lokaði hurðum og slökkti ljós. Hann kunni líka að draga hjólastól og ýta á neyðarhnapp og gelta eftir pöntun. Hann var einstaklega vinnusamur hundur og vissi ekkert skemmtilegra en að vinna verkin sín. Tinni varð næstum fjórtán ára og sótti fyrir eiganda sinn nánast fram á síðasta dag þrátt fyrir að vera orðinn heyrnardaufur og sjóndapur og með gigt.